Deuteronomy 7
Minamte Hawlkhiatna
1TOPA note Pasian in na neih ding uh gamah hong puakin na lut uh ciangin, minam tampi - Hit-te, Girgash-te, Amor-te, Canaan-te, Periz-te, Hiv-te le Jebus-te - note sangin lianzaw in a hatzaw minam sagihte note mai-ah hawlkhia a, 2TOPA note Pasian in amaute hong pia in na zawh uh ciangin amaute na susia khin kiuhkeuh ▼▼7.2 Hebrew lai-ah TOPA
ding uh hi. Amaute tawh thu ciam loin na lainat kei ding uh hi. 3Amaute tawh na kiteng kei ding uh hi. A tapate uh tungah na tanute uh pia loin, na tapate uh adingin a tanute uh na la kei ding uh hi. 4Ahang in, amaute in na tapate uh kei hong zuihna panun pialsakin pasian dangte na sem ding uh a, note tungah TOPA hehna kuangin hong susia pah kha ding hi. 5Amaute hih bangin na bawl ding uh hi: A biakna-taute uh phelkhia-in, a suang siangthote uh dengkham unla Asherah khuamte ▼▼7.5 Tua in Asherah nusian lim ahi hi;Thupiakkikna mun khempeuh ah zong
phukin a milimte uh mei-in haltum un. 6Ahang in, TOPA note Pasian tungah a siangtho mite na hi uh hi. TOPA note Pasian in lei maitanga mi khempeuh panin ama mi suakin, ama gou neih dingin note hong telkhia khin hi. c 7 Midangte sangin note na tamzawk mahmah manun TOPA in note hong ittuama hong teel hi lo hi, ahang in minam khempeuh lakah a tawmpen na hi uh hi. 8Amah in salsuahna gam panin hong tan-a, Egypt kumpipa Pharaoh vangliatna panin a thahat khut tawh hong paikhiatpihna in, TOPA in note hong it man le na pute uh tungah kamciamin a thuciamna a zuih hang ahi hi. 9Tua ahi ciangin TOPA note Pasian pen Pasian ahilam thei un; amah a muanhuai Pasian hi-a, amah it-in a thupiak a zuite tungah ama itna thukhun khang tulkhat dongin a kiplet hi. 10Ahi hangin amah a mudahte a hileh amaute maitang mah ah kisiatna in thuk kika;amah a mudahte a maitang-a, a thuk kik ding a ziakai kei ding hi.
11 Tua ahi ciangin tuni-a kong piak, thupiakte, thukipte le thukhamte na zuih nadingun limtakin ngaihsun un. 12 Hih thukhamte na thupi sim uh a, tuate limtaka na zuih uh leh TOPA note Pasian in na pute uh tawh a thuciam bangin note tawh a itna thukhun a kiplet ding hi. 13Amah in note hong it-in thupha hong pia dinga hong pungsak ding hi. Amah in na pute uh tungah note piak dinga a ciamsa gamah na naubu gahte uh, na leitang ua ankungte - na antangte uh, zuthak le sathau - na ganhonte un note, na tuuhon te un note thupha a pia ding hi. 14Midangte sangin note thupha hong kipiazaw dinga; na mite uh numei ahi a pasal ahi zongin ta nei lo om loin na ganhingte uh zong a ciing a om kei ding hi. 15TOPA in natna namkim panin hong suaktasak ding hi. Egypt a na theihsa uh natna nasiapite hong thuaksak lo dinga, ahi hangin no hong mudahte a thuaksak ding hi. 16TOPA note Pasian in note hong piaksa mite khempeuh na susia pelmawh ding uh hi. No aa in thang suak ding ahi manin hehpihhuai sa kei unla a pasiante uh na sem kei un. d 17 No le no in, “Hih minamte ei sangin thahatzaw uh hi. Bangci nawhkhiat zo ding i hi hiam?” na ci kha ding uh hi. 18Amaute kihta peuhmah kei un; TOPA note Pasian in Pharaoh le Egypt tunga a bawl khempeuh limtakin ciamteh un. 19TOPA note Pasian in note hong paikhiatpihna - zia-etna lianpite, a tuampian limte le a lamdangte, a thahat khut le a kizankhia bante na mit mahmah uh tawh na muhsa uh ahi hi. TOPA note Pasian in tu-a na kihtak uh mite khempeuh tungah tua mah bangin a sem ding hi. 20Tua tham loin TOPA note Pasian in no muhlohna muna a bu a suakta sunte nangawn a manthan nadingun tunpi a sawl ding hi. 21Note laka om TOPA note Pasian in a lian mahmah le a kihtakhuai Pasian ahi manin amaute kilauthawngsak kei un. 22TOPA note Pasian in note mai panin minamte tawmtawmin a nawhkhia ding hi. Thakhatin a veka nawhkhiatpah ding hong kiphal kei ding hi. Kihawlkhia khin pah leh note kimah gamsa tam lua ding hi. 23Ahi hangin TOPA note Pasian in no tungah amaute hong pia dinga, amaute a kisuksiat khit matengin siatna lianpi sung a denna ding hi. 24Amau kumpite note khut sungah hong pia dinga, van kikhupsin nuai panin amaute min na phiatkhia ding uh hi. Note langah mi khat beek pang zo lo dinga; amaute na susia ding uh hi. 25A kiseektawm amau pasiante mei ah na khul ding uh hi. Tuate tunga om ngun le khamte enlah loin no adingin zong na la kei ding uh hi; TOPA note Pasian in tuate kih ahi manin note thang hong kisiahna suak kha ding hi. 26A kihhuai na khatpeuh na inn uh tun kei un, na tut uh leh tuate tawh note suksiat dingin hong kituam koih ding hi. A kihhuai nate suksiat dingin kituam koih ahi manin mudahin kih cihtakin kih un. e
Copyright information for
ZomZIV